Zum Hauptinhalt springen

Feberwaar 2021

Dat is nu all 1 Jahr her, dat wi hier wat ut uns Vereensleven vertellen kunnen. Dat Coranavirus hett uns Vereen siet uns Grönkohleten in ´t Landhuus Ohlstedt in Feberwaar 2020 fast in Greep! Kien Boßeln, kien Klönschnack, kien Paaskefüür, Sömmerfest of Stadtbummel…
All utfallen um so´n heel lüttje Virus. Spietelk!!!

Wi hebben WhatsApp- un E-Mail-Gruppen inricht, um de Kontakten to uns Liddmaten to plegen… man dat is blot ´n lüttje Drüppke up ´n heten Steen – as man so seggen deit. Dat Binannerkomen fehlt doch bannig.

Man ik hebb ok ´n frohen Botschaft: Daar hebben sük 3 neje Liddmaten bi uns inschreven un uns in disse düster Tied Hoop un Toversicht geven, dat de „Corona-Schiet“ ok weer vörbi geiht.
Wi seggen: „Willkomen in uns Rieg: Freya un Wilka Salverius ut Hambörg un Günter Pyell ut Emden. Ji bünd uns good topass!

So lett sük dat good an, un wi stahn fast in Verwachten, dat wi noch völ mitnanner utmaken könen.

Hier nu kört un knapp, wat bi uns trotz „Corona“ in ´t Jahr 2020 geböhrt is.
In Jannewaar un ok noch in Feberwaar 2020 harrn wi uns Veranstalten noch akkerat klaar kregen.. man in Märt, April, Mai gung daar nix.

In Junimaant, daar wassen de „Corona-Regeln“ ´n bietje upweekt. Heel vörsichtig hett sük an de 18. Juni en lüttje Kring van „corona-sluff“ Damen mit „Snutenpulli“ up Padd maakt un sük an d´ Dammtorbahnhoff truffen to´n lüttje Klönschnack in Planten un Bloomen – 10 Lü wassen dotieds tolaten – wi wassen 9 – un hebben uns Spaß hatt. Ok in de Alsterarkaden kunnen weer 10 Lü binannerkomen, un so hett uns Damenkring an de 2. Dönnerdag in´t Maant weer in lüttje „Besatzung“ weer tagen kunnt..

Wieder gung dat an de 3. Juli. 2020. Daar hett sük ´n lüttje Kring Damen up Padd na Glückstadt maakt, Matjeseten. `n lütt Söpke was d´r ok bi. Un uns Lidd Gisela hebbn wi daar ok truffen.

An de 12. August hebben uns Ehrenbaas Carl Theodor Heyer un sien Anneliese hör Diamanten Hochtied fiert.

An de „Polteravend“ daarför hebben wi de beid ´n Ehrenbogen an d´ Dör hangt, un hör mit n´Ständchen uns Glückwünsken daarbracht. 60 Jahr binanner un mitnanner… well kann dat all!.

Allens Gode för jo…. Villicht gifft ja noch ´n iesdern Hochtied na 65 Jahr. Blievt gesund!

Denn was dat sowied, de Regeln för dat Mitnanner up Straten un in Versammeln wassen neei regelt un wi hebben uns up uns Jahres-Reis na Oostfreesland maakt – van 25.-29. August gung dat na Leer.
Mit Zug bünd wi daar hen, Hannelore hett dat Organiseeren overnohmen un ok dat Hotel rutsöcht, dat Programm hebben wi denn in vör Ort künnige Hannen leggt: Almuth un Bernt Strenge ut Rhauderfehn. Wi hebben mitnanner sovöl Mojes un Neeies kennenlehrt, un uns ok so anfründjet, dat de beid nu Lidd bi uns ind´Vereen worden bünd…

Wi seggen: „Van Harten willkomen Almuth un Bernt. Ji bünd uns good topass! Wi freien uns up en good Mitnanner“!!

Dann gung nix mehr…. wegen „Corona“ wassen all Schotten dicht…

Man wi laten de Kopp neet hangen un uns dat Leven neet verdrießen. För uns Jahreshauptversammeln hebben wi van „boverste Stee “ de Verlöv de Versammeln toverdagen bit „Corona“ unner Kuntroll is.

Also: „Munterhollen, drinkt ´n lecker Koppke Tee un tövt noch ´n Settje, de Schiet geiht ok vörbi, un denn halen wi ´t all weer na“!
Blievt gesund !
Leckerst un Best Jo Almuth

Feberwaar 2020

Egentik harrn wi in Feberwaar  boßeln wullt – so stunn dat in uns Blattje:
16. Feberwaar:  Klock  11 Boßeln un achteran Grönkohleten  in dat Landhuus Ohlsted, Alte Dorfstr. 5.

Man wi harrn de Reken neet mit Petrus maakt… Störm un Regen all siet Dagen… de  Boßelstreek vull mit lüttje un grote Tacken  un van boven Regen nix as Regen.

So bünd wi eerst tegen Klock 12 in dat Gasthuus komen un hebben-
bit de Grönkohl updragen wurr- mit völ Spaß un Pläseer – Memorry spölt.
Ja ‚“Wat mutt, dat mutt“, hebben wi uns seggt un uns bi Plattdütske Wiesheiden  un Schimpwoorden baldadig amüseert.

An ´n anner Tafel hebben sük welken dat Quiz:
„Ausgerechnet Hamburg“ vörnohmen…

Haast neet to löven, – de, de dat allerbest kunn, was een van uns „Nejen“- erst siet Jannewaar 2020 daarbi:

Wi begröten in uns Rieg un seggen:
“Van Harten willkomen bi uns:

Rosemarie un Siegfried Bliebenich un
Karin un Hans-Bernd Vogel!

Wi bünd blied, dat ji bi uns mitdoon willt un frein uns up ´n good Mitnanner!“

De Grönkohl mit Speck

– hett uns denn so good mundjet, dat Anneliese un Carl Theodor spontan en ‚Ständchen‘ an de Grönkohl brocht hebben.

Jannewaar 2020

Mit ´n Glaske Sekt un Rullerkes bünd wi an de 9. Jannewaar  2020 in uns `Stammlokal‘ Klippkroog in Altona dat neje Jahr angahn . Uns Weertslü harrn uns ’n prachtig  Fröhstück  serveert un so kunnen wi uns Kram up de Hauptversammeln gau  in Swung brengen.

Daar stunn völ an: Waar geiht dat hen mit uns Vereen? Well kann mitdoon bi uns ? Un ’n neei Vörstand hett daar her must!
Un dat is d’rbi rutkomen:  Uns olle 1. Baas Almuth Janßen-Hering blifft  ok de neje, man nu het se weer Stön van  Hannelore Jost as 2. Baas kregen.  Uns toverlatige Penningmesterske  is un blifft Irmhild Dunkelmann. Man ’n Schrieverske hebben wi neet  utkieken kunnt. Susanne Baumann hett sük as 2. Schrieverske för  de Protokoll-Schrieverei anboden.

Van Belang is, dat wi ‚Uns Blattje‘ – so as dat in uns moderne Tied in’t Internet mit E-Mail un Whatapp anliggt  – nu bloot mehr 1 x in’t Jahr  to Wiehnachten  mit de Post verstüren willn. Daar steiht denn alls von Belang  binnen, wat bi uns geböhrt is in’t Jahr un wat wi so vörhebben. So blieven wi ok mit all uns Liddmaaten un Frünnen, de neet  mit Internet utrüst bünd, in Kontakt un  wi sparen ’n Bült Geld .

Wat de  een nu sien Vördeel, dat is de anner villicht sien Schaa: denn mögelk is,  dat een uns Terminen  un Vörhebben ut ‚Uns  Blattje‘  ’nmal ok vergeten kann, of dat Blattje  neet to griepen is. Kien Bang: Wi hebben up Tied all uns ‚Aktiven‘  in Luur un erinnern per  Web-Sied, Whatsapp, E-Mail of facebook  wat ansteiht un van  Belang is.
Laat uns dat ’n Settje utprobeeren….

Leckerst un Best  Jo Almuth

Dezembermaant 2019

Daar hett dat an de 15. Dezember weer heten: „18 in de Baalje“ !

Mit ’n heel lecker Frohstück gung dat all Klock 11 in de Klippkroog los…un so vermüntert hebben wi denn de Knobels in de Baalje smeten. Ditmal was  Gudrun neet uttosteken, se harr de hoogst  Tall knobelt un hett sük toeerst wat utsöken düürt van  all de mojen  Priesen. Glückwunsch Gudrun !

Novembermaant 2019

An de 17. November hebben wi in d´Klippkroog seten, ´n Naproot hat van uns Jubiläumsfier hollen  un uns all de mojen Billers ankeken, de van´t Fest maakt worden bünd. 
Dat was ´n heel mmodigen Namiddag un ´n moi Erinnern. Dat moiste avers… wi hebben daar ok neije Liddmaaten upnehmen kunnt! Wat ´n Bliedskupp!

Oktobermaant 2019

Ein tolles Fest

 

120 Jahre Ostfriesenverein Hamburg mit Irmhild Dunkelmann ,Grete de Beer , Almuth Janßen Hering und Herma Buse Foto: Michael Rauhe / FUNKE Foto Services

Wer am 12. Oktober nicht dabei war, hat was versäumt! Und es gab einige, die keinen Platz mehr bekamen, weil sie sich zu spät gemeldet hatten. Der Saal war ausverkauft.
Aber von Anfang an: Auf der Rickmer Rickmers an den Landungsbrücken trafen nach und nach die Gäste von Nah und Fern ein, um das 120-jährige Jubiläum unseres Vereins zu feiern. Die Organisation war top, Irmi führte am Eingang die Gästeliste und wies jedemden Tisch an, der für ihn reserviert war. Die Tische waren entzückend dekoriert, großes Lob dem Bastelteam! Wem der Platz nicht zusagte, konnte mit einem Tischnachbarn schnell tauschen, so dass alle schließlich zufrieden ihr Sektglas zum Empfang leerten. Das leichte Schaukeln lag übrigens nicht am Sekt. Irgendwie schief der ganze Saal? Bloß nicht seekrank werden! Egal, da wurde Wiedersehen gefeiert und da gab es Begrüßungsreden und Glückwünsche und Geschenke …..

Aber dann das Buffet! Das war überhaupt die Wucht. Hamburger und Norddeutsche Spezialitäten vom Feinsten. Wer da gut gefrühstückt hatte, hatte echt Pech gehabt. Die Zeit verging wie im Fluge, es wurde gelacht und gesungen und die Auricher Jungs schmetterten ihre Shanties. Dann gab es nachmittags auch noch Kaffee und Kuchen. Mancher strich angesichts des Kuchens die Segel. Der Bauch war voll. Ein doppelter Espresso und fertig.

Wer zwischendurch mal die Nase in den Wind auf Deck steckte, konnte tollkühne Kletterer beobachten, die an den Masten, mit Leinen gut abgesichert, ihre Geschicklichkeit erprobten.

Die Festschrift konnte gegen eine Spende erworben werden. Und die hatte sich auf jeden Fall gelohnt. Hier war ein wunderbarer Überblick über Vergangenheit und Gegenwart des Vereins gegeben, mit vielen schönen Fotos untermalt. Auf einem alten Foto von ca. 1950 konnte ich meine Familie erkennen. Vielleicht sind bei Ihnen auch Erinnerungen aufgetaucht? So ein Jubiläum ist doch ein Gedenktag. Vergangenheit und Zukunft liegen dicht zusammen. Wir haben es in der Hand, den Verein weiterleben zu lassen, so dass auch künftige Generationen beim Betrachten alter Fotos sagen können: Ach, das war doch…!

In´t HambörgerAbendblatt stunn´ngrode Bericht van uns Vereen, un Rundfunk un Fersehen wassen bi d´Fier ok mit daarbi!

 

 

Un de„HafenchorAurich“ hett uns moi in
Swung brocht.

Septembermaant 2019

Damenkring un Klönschnacknamiddag wassen so as alltied  munter un fidel.
Man daar gaff dat ok  drock noch wat to overleggen un planen, wieldat uns groote Jubiläumsfier fört Döör steiht. Nu is all in Rieg, de Börgmester van Hambörg kann komen, de Shantychor ut Auerk hett toseggt, dat Festmenü is utsöcht und  Anmellen hebben wi ok ´n Bült.
Wi frein uns  up ´n festelk Fier mit all uns Gasten un Frünnen.

Augustmaant

Uns Sömmerfest bi Grete an de 17. August

Wenn´t ok faken regent hett: Dat was ´n heel moje Landpartie  na Appen!

Grete is ja ´n wunnerbr Gastgever un ´n allerbest Köksk. Mit Stöhn van hör Söhn hett se all updisket, wat hör egen Tuun hergaff.

In hör wunnerbar Tuun un kumfortabel Huus hebben wi uns dat good gahhn laten. ´snamiddags gaff dat noch lecker Tee/Koffje un Kok, de uns Leden mitbrocht harren .. un wi hebben so mennig good Proot mitnanner hatt, ok mit Frünnen van Quickborn, de up Visite bi uns wassen.  Danke leev Grete, för disse moje dag bi di un för all dien Wark!

 

Julimaant

In Juni- un Julimaant hebben wi uns dat good gahn laten…
Klönschnacks in de ´Klippkroog´, Fahrten na Glückstadt un Matjeseten, Bummeln in Altona un d´rbi (heel kommodig) dat lecker Beer probeeren…

Un denn na Cuxhaven mit de Vörsitters van de anner Buetnoostfresen-Verenen un de neje Vörsitter van de Berlener Oostfresen begröten.
Twee Maanten vull Bliedskupp.

Junimaant 2019

An de 7. Juni harr uns 1. Baas  up `n Glaske  Sekt  in de Klippkroog laden, wieldat ´n runden Verjahrsdag to fieren gaff.
Mit völ Tamtam un Gedrüüs un ´n heel Bült Spaß hebben wi de Tied verbrocht, un uns ok bannig freit, dat elk wat to ´t Gelingen bidragen hett: to´n Bispill schall nu de  blondkoppt „Jan Janßen“  för´t „Plattproten“ sörgen. 
Van Harten Dank ok an all de, de uns Vereenskass an de Daag plegt hebben un vör uns Jubiläumsfier in Oktobermaant  füttert hebben.