Einträge von Almuth Janssen-Hering

Septembermaant 2019

Damenkring un Klönschnacknamiddag wassen so as alltied  munter un fidel.
Man daar gaff dat ok  drock noch wat to overleggen un planen, wieldat uns groote Jubiläumsfier fört Döör steiht. Nu is all in Rieg, de Börgmester van Hambörg kann komen, de Shantychor ut Auerk hett toseggt, dat Festmenü is utsöcht und  Anmellen hebben wi ok ´n Bült.
Wi frein uns  up ´n festelk Fier mit all uns Gasten un Frünnen.

Augustmaant

Uns Sömmerfest bi Grete an de 17. August

Wenn´t ok faken regent hett: Dat was ´n heel moje Landpartie  na Appen!

Grete is ja ´n wunnerbr Gastgever un ´n allerbest Köksk. Mit Stöhn van hör Söhn hett se all updisket, wat hör egen Tuun hergaff.

In hör wunnerbar Tuun un kumfortabel Huus hebben wi uns dat good gahhn laten. ´snamiddags gaff dat noch lecker Tee/Koffje un Kok, de uns Leden mitbrocht harren .. un wi hebben so mennig good Proot mitnanner hatt, ok mit Frünnen van Quickborn, de up Visite bi uns wassen.  Danke leev Grete, för disse moje dag bi di un för all dien Wark!

 

Julimaant

In Juni- un Julimaant hebben wi uns dat good gahn laten…
Klönschnacks in de ´Klippkroog´, Fahrten na Glückstadt un Matjeseten, Bummeln in Altona un d´rbi (heel kommodig) dat lecker Beer probeeren…

Un denn na Cuxhaven mit de Vörsitters van de anner Buetnoostfresen-Verenen un de neje Vörsitter van de Berlener Oostfresen begröten.
Twee Maanten vull Bliedskupp.

Junimaant 2019

An de 7. Juni harr uns 1. Baas  up `n Glaske  Sekt  in de Klippkroog laden, wieldat ´n runden Verjahrsdag to fieren gaff.
Mit völ Tamtam un Gedrüüs un ´n heel Bült Spaß hebben wi de Tied verbrocht, un uns ok bannig freit, dat elk wat to ´t Gelingen bidragen hett: to´n Bispill schall nu de  blondkoppt „Jan Janßen“  för´t „Plattproten“ sörgen. 
Van Harten Dank ok an all de, de uns Vereenskass an de Daag plegt hebben un vör uns Jubiläumsfier in Oktobermaant  füttert hebben.

 

Maimaant 2019

 

                  Ein Besuch bei der Prinzessin

Am 11.05. trafen wir uns bei bestem Wetter auf dem Ohlsdorfer Friedhof. Unser Rundgang führte uns gleich am Anfang zur Gedenkstätte für die ostfriesische Prominenz: Prinzessin Juliane Louise und den Dichter Harbert Harbers. Almuth hat die Lebensläufe der beiden im letzten Blattje sehr eindrücklich beschrieben. Nun waren wir also da.

Ich war ein bisschen enttäuscht, weil der Stein der Prinzessin nicht einmal ihren Namen trug. Beide Grabsteine fristen ein bescheidenes Dasein an verschwiegener, schattiger Stelle. Da ist noch Luft nach oben! Aufmerksame Spaziergänger bekommen aber auf einer Tafel doch einige Informationen zu dieser Gedenkstätte. Dann ging es mit unserer kompetenten Führerin weiter. Am Grab von Helmut und Loki Schmidt vorbei zum Garten der Frauen, in dem die Grabsteine von bedeutenden Frauen nach Ablauf der Grabdauer gesammelt werden. Leider blühten nur wenige Rhododendren. Aber wir genossen das Frühlingsgrün und schlossen unseren Ausflug nach zwei Stunden mit einer guten Stärkung im Café Harmonie ab.
Susanne Baumann

Aprilmaant 2019

  ‚Riverboat‘- Krüzfahrt

Een Belevnis van besünner Aard harr Elisabeth för uns paraat, as se uns an de 03. April an de Brooktorkai in de ‚Riverbus‘ instiegen leet. ‚Boarding‘ haar dat daar all heten!

Eerst gung dat ja as bi so´n ‚normalen‘ Stadtrundfohrt dör de historische Spiekerstadt, daarna dör de neje Hafencity na ‚Entenwerder‘ in Rothenburgsort, waar denn de Bus eenfach de Straat wiederfahren un in de Elv induken dee. ´n bietje benaut was uns all mitnanner wall d´rbi.
Man de ‚Cruise-Direktor´ hett uns mit sien Sprökjes gau weer upbaut.

So kunnen wi mit Pläseer de Fahrt de Elv umhoog  geneten, vörbi an´t Störmflood-Schott, Warften un Bootsanleggers  in de Billwerder Bucht. Na 70 Minuten harrn wi weer fasten Boden unner de Footen un hebben uns in dat Chocoversum noch ´n söten ‚Ofsacker‘ gönnt.

Danke Elisabeth för dien moje Idee un de Planung! ( AJH)

Märtmaant 2019

24.03. Plattdeutscher Gottesdienst auf der Flussschifferkirche

  
Dat weer ´n besünner Namiddag för uns Vereen un seker ok för de Gemeen an de 24. Märt in de Flußschipperkark Hambörg. In ‘n plattdütske Gottsdeenst hett uns Pastor i.R. Timm ut Sinstorf de sture Geschicht van Abraham un sien Söhn Isaak verklaart. Wat Gott daar van Abraham verlangt, is för uns Minsken, ook för Gläubige, neet to begriepen un vör all neet  to doon, ok för de Pastor nich, so hett he uns seggt. Wat Gott för de Minsken mit sien Söhn tolaten hett, verlangt he van uns neet.   Dat seggt uns dat Enn van de Abrahamsgeschicht.
   
Wie Oostfresen hebben uns na de Gottsdeenst bedankt mit oostfrees Tee un Kook satt. Twee lang Tafels weeren unner Anwies van Heern Daberkow gau upboot, un sien Froo hett Almuth un hör Helpers de Kombüs för dat Teeklaarmaken overlaten.
As wi all Tee un Kook genoten, hett uns Baas Almuth för de Lü, de neet  Oostfresen bünd, de Teezeremonie mit all, wat daar tohört, verklaart. För uns all weer disse Sönndag  „Okuli“ in de Flußschipperkark ‘n arig moi Beleevnis!    Jo Carl Theodor
   

Feberwaar 2019

14. 02:  Damenkring … so as alltied ´n moi Binannerkomen mit völ Spaß un Pläseer.

17. 02: Bosseln un Grönkohleten in `t KGV ‚Am Berner Wald‘.
En fidelen Weddstried was dat in ‚t Land van ‚ KGV tüsken de  Mannskupp ut de ‚Berner Wald‘ un uns Hambörger Butenoostfresen. Mit Pockholt-Bossel-Kugeln, Bollerwagen, Kraber un anner Wark, wat daartohört, bünt wi dat Wark  angahn, hebben uns fix in’t Tüg leggt un de  Boßel smeten – un of un an hett uns ’n lütt ‚Feigling‘ weer uphulpen must . Reinhard un Käthe as Bahnwiesers harren dat drock , de Regeln dörtosetten. Mal was de rode Koppel mit een Schött vörut,  denn weer de geele…bi de blau un de grön Koppel gung dat mit 6: 1 neet so engaal  ut. Hett alls bannig völ Spaß maakt.
Achteran hebben wi uns  bi ´n smakelk Grönkohleten verhaalt un – so as dat Usus is – ´n neje ‚Grönkohl -Majestät‘ utkeken.
„Grete“ heet uns neje Königin! Hoch schall se leven ! Wi wünsken hör för ´t Regeeren good un seker Hannen  (un uns goode Tieden)


Uplesd geiht een grood Dank an de Lü van ´t KGV  för de hartelk Gastfründskupp!
Wi frein uns all up anner Jahr weer bi jo.

Jannewaar 2019

Moin mitnanner in 2019! 

Mit ´n Glaske Sekt un Rullerkes hebben wi  Klock 11 in d´“KlippKroog“ in Altona dat neje Jahr begrött un uns bannig freit, dat wi so frünnelk in ´t Restaurant upnohmen wurrn – de Disken moi indekt, Kersen up Tafel un soooon ´n lecker Fröhstück mit allens wat daar so tohören deit! Lecker!
Satt un tofree kunn wi denn in uns Hauptversammeln starten. ´t stunn kien Wahlen an un so gung dat denn ok futt in „medias res“.  An de Berichten van uns Baas un uns Penningmesterske was nix uttosetten,  un so hebben wi uns glieks mit dat Jahr 2019 befaat. Denn daar steiht uns  120 Jahr-Jubiläum in Oktobermaant up Plan.
`t is noch ´n Settje hin … man dat gifft völ to doon!
Un wunnerbar, daar hett sük Hülp anboden, de ik geern annehmen do. Hannelore is daar weer mit d´rbi, Jutta un ok Alex hebben Hülp bi Facebook toseggt, ´n Sömmerfest is andocht, ´n Reis weer na Oostfresland, Bosseln, Stadtdeeltouren, u.u.u.
Un denn driest weg is daar  dat Programm van uns „Prootjetafel“, daar waar wi uns Oostfreske Taal, uns Moden un Maneeren, uns Bruukdom plegen, Referenten to ostfr. Literatur un Historie inladen un ok völ Spaß d´rbi hebben.
Neet to vergeten uns „Damenkring“ de stadig   elke Maant an de 2. Dönnerdag in dat Alterarkadencafé  to ´n Klönschnack binannerkummt,  ´n heel Bült Spaß d´rbi hett un vör all to bruken is! De „steenharde Keern“ van uns Vereen. Danke, dat ji daar all mit d´rbi bünd.
So mutt ´t un kann ´t d´r hen!
Leckerst u Best Jo Almuth
                                                                                      

Dezembermaant 2018

An de 8. Dezember wullen wi so heel gemödelk over de Wiehnachtsmarkt bummeln un harrn daarto ok uns Facebookfrünnen ut Hambörg un umto inladen. Ok ut Oostfresland wull ´n Koppel Lü komen van de Gruppe: ‚Wi sünd Oostfresen un dat mit Stolt‘ .

Man wi harren de Reken sünner Petrus maakt.  Storm, Regen un sogar ´n lütt Hagelschuur hett he stüürt, um sien Macht to wiesen. Man de harde Keern van uns Hambörger Butenoostfresen kuun he neet duken.
Nett uptied hebben  wi mit de Oostfreske  Abordnung  uns 11-Ührtje nohmen, lecker wat eten in dat ‚Vlet-Restaurant‘ , de neje U-Bahnstation ‚Elbbrücken‘ ankeken, Rüst bi uns ‚Elphi‘ hollen un daar sogar noch ´n lütt Video maakt un bünd uplesd denn mit uns Vereenslü  over de St. Pauli Wiehnachtsmarkt bummelt. Man dat was so kold, dat wi de een of anner  Grog un Wienkanneel drinken moten. Ja -wat mutt, dat mutt!  

15. Dezember: Uns Wiehnachtsfier in ´d „Deichgraf“

„18 in de Baalje“ hett dat heten, as wi na een lecker Labskaus-Eten uns Knobelbeker ruthaalt hebben un mit völ Spaß un Fliet de Dobbels smeten hebben.
Uns Wolfgang wasd´r neet uttosteken, he was de Best van uns un hett sük toeerst wat van all de mojen Priesen utsöken kunnt.  Na klaar, he is uns „Rekenkontroler“ un kann good mit Tallen umgahn!
Een moje Namiddag, festelk behagelk un vergnögelk un een wunnerbar Utklang ut `t Jahr 2018! Wi könen mit Stolt  un Bliedskupp torüggkieken un mit Toversicht un Moot dat neje Jahr angahn n ´t Motto:
An uns Doon wünsk ik uns Freid un dat ok allens klappen deit!“